我哋未贏。
今次區議會黃營攞到大部份嘅議席當然係好，但我唔會話係開心嘅，正如之前所講，我哋係贏咗其中一條戰線、其中一仗。但成場戰爭係未打完。呢349個議席，係手足嘅血換返嚟。
好老實，我有份幫其中一位助選都咁講，係，的確有人投票俾你係因為想支持你，但更多街坊投俾你，係一種表態、係因為成個大環境氣氛、係因為候選人嘅政治取態，簡單來講，基本上係建制嘅對家，阿豬阿狗都會投俾你。
所以獲勝嘅候選人，千其唔好自我感覺良好，你哋係背負住好多市民嘅期望，一定要好好履行地區工作，如果唔係下一屆只會輸番晒俾建制。

更加重要，當然要睇吓喺呢個議席上邊，點樣幫到更加多嘅手足，幫到香港市民點樣爭取五大訴求。如果唔係真係選你嚟托咩。議員助理請返有案底嘅手足就梗㗎啦～
最後，千祈千祈千祈，唔好因為區議會嘅勝利而忘記咗我哋好多手足流血、受傷、被捕，血債係議席償唔到架。仲有而家仍然留喺Poly嘅一班抗爭者。今日有傳話會入去清場，一定要好好保護呢班手足。
最後，當然要睇吓藍絲嘅仆街樣氹下自己開心啦，你哋嗰沉默嘅三百萬人去咗邊呀？🤡係咪投晒俾我哋啊？😺
#黃營才是主流
#區議會選舉2019 #區議會選舉 #區議會
Search